Guddoomiyaha Maxkamadda Gobolka Nugaal ee puntland, Sheekh Cabdinuur Jaamac Xuseen, oo hadal kooban Warbaahinta u jeediyay, ayaa Suxufiyiinta uga digay in aysan ka hordhicin kiisaska Maxkamadda ka socda ee aan weli go’aan kama dambays ah laga gaarin.
Guddoomiye Cabdinuur, wuxuu sheegay in cid kasta oo aan ku qancin Go’aannada ay gaarto Maxkamadda Derejada Kowaad ee Gobolka Nugaal laga doonayo in ay Rafcaan ka qaadato go’aanka Maxkamadda, halkii ay Warbaahinta ka cambaarayn lahayd.
Sidoo kale, wuxuu Suxufiyiinta uga digay tebinta wararka been abuurka ah oo dhaawacaya sumcadda iyo sharafta bulshada, islamarkaana abuuri kara colaad iyo isku dhacyo halis gelin kara Amniga Guud iyo Xasiloonida
Xafiiska Wararka Muqdisho.
