Guddoomiyaha Aqalka Sare ee Baarlamaankii 10-aad ee Soomaaliya Senatar Cabdi Xaashi Cabdullaahi ayaa soo jeediyay in lagu dhawaaqo natiijada guud ee doorashada xubnaha Aqalka Sare ee Baarlamaanka 11-aad, si loo qabto fadhiga ugu horreeya.
Cabdi Xaashi oo Qoraal soo saaray ayaa waxaa uu ku dalbaday maadaama la dhammeystiray doorashada xubnaha Aqalka Sare inay doortaan Guddoon iyo Guddi hoosaadyadooda, si ay u gutaan waajibaadkooda dastuuriga ah, ayna gacan ka geystaan samata bixinta marxalada adag ee uu dalku marayo.
Sidoo kale Guddoomiyaha Aqalka Sare ee Baarlamaankii 10-aad ee dowladda ayaa waxaa uu sheegay in muddo xileedka Madaxweynaha ay tahay afar sano, sidaas darteed uu muddo xileedkiisa ku ekaa Madaxweyne Farmaajo 7 Febraayo 2021.
Waxaa kaloo uu caddeeyay hadalkii ka soo yeeray Guddoomiyaha Golaha Shacabka ee waqtiga ka Idlaaday Maxamed Mursal Sheekh C/raxmaan uu ahaa mid aan sharciyad laheyn oo dalka u horseedaya halis amni daro iyo dagaal la mid ah midkii dhacay 25 April 2021.
Khilaaf ayaa xoogan ayaa haatan u dhexeeya Madaxweynaha muddo xileedkisia dhammaaday ee Maxamed Cabdullaahi Farmaajo iyo Ra’iisul Wasaare Maxamed Xuseen Rooble, waxaana labada dhinac la kala saftay Madaxweyneyaasha maamul Goboleedyada.
Hoos ka Akhriso Qoraal uu soo saaray Senator Cabdi Xaashi…
