Gudoomiye Cumar Finish oo Eedeeayay Madaxweynayaasha Maamulada Puntland iyo Jubland

Guddoomiyaha maamulka gobolka Banaadir, ahna duqa magaalada Muqdisho oo shir jaraa,id ku qabtay Magaalada Muqdiaho  Cumar Maxamuud Maxamed Cumar Finish ayaa ka hadlay xaaladda siyaasadeed iyo Murunka ka Taagan Dhaqanla,aanta qodobadii ka soo baxay Shirkii Dhuusamareeb3.

Gudoomiye Cumar Finish ayaa tilmaamay in heshiiskaasi kadib ay ogolaadeen inay la fariistaan saamileyda ka hortimid, gaar ahaan Axmed Madoobe iyo Siciid Deni, si xal mideysan looga gaaro arrimaha siyaasadda iyo doorashooyinka soo socda ee 2020 illaa 2021.

Sidoo kale wuxuu intaasi ku daray in Madaxweynayaasha Jubbaland iyo Puntland oo haatan ku sugan magaalada Muqdisho aysan keenin qodob muuqda oo ay ku diidayaan ama ku durayaan heshiiskaasi oo lagu go’aamiyey nooca doorasho ee dalka ka dhaceysa.

“Kuwii ka biyo diiday ee aan ku soo dhoweynay garoonka Aadan Cadde ee magaalada Muqdisho runtii ma aynaan keenin qodob muuqda oo ay ku duraan heshiiskaasi, balse inay soo dhoweeyaan waa ka af-gubaadsadeen,” ayuu yidhi guddoomiye Cumar Finish.

Waxa kale oo uu Rajo ka muujiyey shirka haatan la qorsheynayo inuu ka furmo Muqdisho, kaas oo uu tilmaamay inay ka soo bixi doonaan natiijo waxtar leh, islamarkaana lagu gaari doonio xal mideysan oo lagu wajahayo doorashooyinka 2020/2021.

Ha yeeshee, hadalkan ayaa ku soo aadaya, xilli weli xaaladda siyaasadeed ee dalka ay tahay mid cakiran, islamarkaana ay Jubbaland shuruud ku xirtay furitaanka wada-hadallada ka dhacaya magaalada Muqdisho oo lagu waday in xalay ay si rasmi ah u billowdaan

Xafiiska Wararka Muqdisho.

Info@aragticusub.com