Dagaal Beeleedkan oo geystay qasaaro isugu jira dhimasho iyo dhaawac ayaa waxaa uu ka dhacay tuulooyinka dayma-same iyo Maandheere oo hoostaga Magaalada Jowhar ee Caasimadda dowlad Goboleedka Hir-Shabeelle.
Dagaalka oo salka ku haaya arrimo la xiriira isku qabsiga dhulal ayaa waxaa inta la xaqiijiyay ku geeriyooday Afar Ruuux oo labada dhinac ah, hayeeshee uu si iskiis ah u joogsaday dagaalka.
Qaar kamid ah Odayaasha Dhaqanka Magaalada Jowhar ayaa ugu baaqay maleeshiyaadka dhinacyada ku dagaalamay degaannada hoostaga magalada Jowhar inay dagaalka joojiyan, isla markaana wax walba miiska wada-hadalka ay ku dhameeyaan.
Sidoo kale waxaa ay sheegeen in dhawaan ay ku baxaan Goobaha lagu dagaalamayo, si ay wada-hadallo dib u heshiisiin ah ugu furan Beelaha dagaalamay six al nabadeed loo gaaro.
Mas’uuliyiinta & lamaha Amiga Magaalada Jowhar weli kama hadlin dagaalkaas, hayeeshee uu yahay mid 20-kii sano ee la soo dhaafay kusoo laab laabtay degaannada hoostaga Magaalada Jowhar.
Xafiiska wararka Muqdisho
Info@aragticusub.com
