Xaflad lagu Qabtay magaalada Hargeisa ayaa maanta Hadalo Kulul Waxaa isku dhaafsaday Madaxwaynaha Soomaaliland Muuse Biixi, Hogaamiyaha Xisbiga Wadani Xirsi Cali Xaaji Xasan iyo Gudoomiyaha Xisbiga UCID Faysal Cali Waraabe.
Hogaamiyaha Xisbiga Wadani Xirsi Cali Xaaji Xasan ayaa Dhaliilo kulul u jeediyey Madaxwaynaha Soomaaliland Muuse Biixi Cabdi, Wuxuuna sheegay inay Xukuumadiisu waxyaabo badan ku Fashilantay, Balse wuxuu si gaar ah Uga hadlay Arinta Waxbarashada.
“Madaxwayne waanu kuu tirinaynaa Sanadkii Afraad waxaa kaa xiga 40-Habeen, waanu kuu tirinaynaa , Mashruucii Jidka Ceerigaabo, halkii uu taagnaa wax badan kama socon”. Ayuu yiri Xirsi.
Dhinaca kale Madaxwaynaha Soomaaliland Muuse Biixi Cabdi ayaa ka garaabay in Xaalada Waxbarasho ee Soomaaliland aysan gaarin halkii laga rabay.
Faysal Cali Waraabe Gudoomiyaha Xisbiga UCID ayaa sheegay inaanu dhexgalaynin Xirsi iyo Muuse Biixi oo Kulmiye wada ahaa, Wuxuuna tilmaamay inay yihiin Dameer iyo Daankiisa oo uu Ula jeeday in ay Isku Mid yihiin
Xafiiska Wararka Muqdisho.
